ILOILO CITY – Dako nga bulig sa madinalag-on nga kampanya sang syudad kontra ilegal nga droga ang pagtukod sang Iloilo City Dangerous Drugs Administrative Board (ICDDAB).
Suno kay City Administrator Atty. Hernando Galvez, mandated ang board nga magmando sang demolition ukon clearing sang mga structures nga ginagamit sa ilegal drug trade.
Angut sini ginpasalig ni Galvez nga mahatagan sang proteksyon sang otoridad ang sin-o man nga mag pasaka sang reklamo sa ICDDAB angut sa presensya sang structure nga ginagamit sa ilegal drug trade sa ila barangay.
Ang dangerous drugs administrative board ginapamunuan sang city health officer bilang chairman kag mga members ang city legal kag chief of police.
Katungdanan sini ang magconduct sang summary proceedings agud madasig ang pagpangguba sang mga nuisance structures sa ila barangay nga ginagamit sa ilegal nga droga.
