Tungod sa sagunson na ang nasinatiang pag-ulan, subling gipahimangno ang Department of Health regional office 10 sa publiko kalabot sa mga angayang himoon batok sa mga sakit nga posibleng makuha ning panahona.
Sa interview sa RMN Malaybalay ngadto kang DOH 10 Assistant Regional Director ug spokesperson Dr. David Mendoza gibutyag niini nga aron malikayan ang pagka-diarrhea ug pagpanakit sa tiyan angayang pabukalan ang tubig sa duha ka minutos kapin gikan sa pagsugod sa pagbukal ayha imnon ilabina ug kung dili siguradong luwas.
Matud ni Dr. Mendoza nga batasanon ang paghugas sa kamot paghuman ug gamit sa comfort room ug sa dili pa mukaon.
Ikatulo, kinahanglan nga likayan ang pagtuslob sa tubig baha tungod sa hulga sa leptospirosis apan kung kini dili kalikayan, kinahanglan nga magsul-ob ug butas.
