Kini ang pamahayag ni VP Sara atol sa iyahang Basic Education Report 2024 kagahapong adlawa, January 25, 2024.
“After holding several consultations with our field personnel, the Department Order on the removal of administrative tasks for teachers will be released tomorrow and the corresponding stand memorandum and the corresponding strand memorandum will be released next week,” matud ni VP Sara.
Sa interview sa DXDC RMN Davao kang Jesel Israel, usa ka Licensed Professional Teacher (LPT) nga taga Compostela, Davao de Oro, nasayud siya kung unsa kahago ang paghimo og admin tasks, diin tungod niini apektado na usab ang pagtudlo sa mga bata.
Matud ni Israel nga tungod kay wala na na-focus ang pagtudlo sa mga estudyante, muresulta usab kini sa ubos nga kuha sa mga bata sa ilang mga mga examination.
“Imbes kay magklase, sige na la’g pasulat sa mga bata unya dili magklase. Pagkasunod ugma, tiwason naman pud ‘tong administrative tasks nila. Ang mga bata during exam magnganga (muingon nga) ‘Wala man ni na-explain sa amoa oy. Gisulat ra man namo ni. Wala man mi kasabot ani,” sulti ni Israel.
Isip solusyon sa maong lakang matud ni VP Sara, gawas sa 5,000 admin personnel sa 2023 ug laing 5,000 sa 2024, mag-provide usab og dugang School Maintenance and Other Operating Expenses (MOOE) ang DepEd aron nga maka-hire ang eskwelahan sa ilahang gikinahanglang administrative support staff.
RadyoMaN Kirby Manzon
