Pagwagtang sa RT-PCR una i-admit mag-agad sa hospital

Davao City – Gihatag na sa City Government of Davao sa mga hospital sa syudad sa Davao ang desisyon kung ilang ipadayong ipatuman ang RT-PCR (reverse transcription-polymerase chain reaction (RT-PCR) requirement una i-admit ang usa ka pasyente.

Gikanayon ni Davao City Mayor Sara Duterte-Carpio (sa livestream interview sa iyang Facebook page), padayon karon ang meeting sa Local Government of Unit (LGU) kauban ang mga tambalanan sa dakbayan kabahin niini.

Matud sa alkalde, ilaha pang tukion kung kinahanglan pa bang himoan og Executive Order (EO) ang pagwala sa maong rekisitos.

“Ang atong buhaton is consult them (hospitals) first kung angay pa ba nga mag Executive Order para ma-lift siya (RT-PCR requirement) for the entire Davao City or sila nalang on their own ang magtanggal niini nga requirement or mag-continue to include this requirement dinha sa sulod sa ilahang mga hospital,” sulti sa mayor.

Dugang ni Duterte-Carpio, mag-agad na kini sa hospital kung ilang ipadayon ang pag-implementar sa maong requirement diin nakita sa mayor nga dako kini og tabang sa pagsegurong luwas sa COVID-19 ang i-admit nga pasyente.

RadyoMaN Kirby Manzon