General Santos City–Girespeto sa General Santos City Police Office ang nahimong pamahayag ni Gensan City Mayor Ronel Rivera nga sumala pa walay ninja cops sa syudad apan adunay mga adik nga pulis.
Sumala pa ni Police Major Rexor Canoy ang tigpamaba sa General Santos City Police Office nga sa 7 ka tuig ni Mayor Rivera sa isip mayor sa syudad normal lang nga daghan na kinig namatikdan ug nakasulod nga impormayson ngadto kaniya.
Apan gihingugan niini nga ang mga pulis nga naglambigit sa iligal nga binuhatan dili lang sa paggamit ug pamaligya ug iligal nga droga lakip na ang ubang iligal nga aktibidadis ang nabalhog na matud pa sa bilanguan.
Dugang pahayag ni Police Major Rexor Canoy nga sa mga milabay nga mga tuig makita matud pa sa katawhan nga daghan nang mga pulis nga dunay iligal nga binuhatan ang nangasikop na ug nabalhog sa prisohan.
Kini tungod matud pa sa mas gipahugot nga internal cleansing sa han-ay sa Philippine National Police.
Sa karon kampante matud pa nga maingon ni Major Canoy nga wala gayoy ninja cops sa ilahang han-ay ug nag pasalig nga padayong gukdon ang mga police nga dunay iligal nga binuhatan kung aduna man.(Dave Silagan)
