May inconsistency nga nakit-an ang kapulisan sa pahayag sang mga bodyguards
ni the late Sam Aguilar, ang operator sang STL sa probinsya sang Iloilo.
Ginpahayag ni Police Senior Superintendent Marlon Tayaba, Director sang
Iloilo Police Provincial Office (IPPO) nga santo sa ila interview sa tatlo
ka mga bodyguards ni Aguilar, nagpalupok ang mga ini gamit ang 9mm, caliber
45 kag caliber 40 nga armas luthang sang gintiro ang van nga ila
ginasakyan upod si Aguilar sa Brgy, Buyuan, Tigbauan sang Marso 13.
Apang suno kay Tayaba, nag gwa sa imbestigasyon nga lunsay iya sang 9mm ang
narecover nga slug sa van pati na sa isa ka awto nga nadalahig sa insidente.
Natalana naman nga kuhaan sang pahayag ang tatlo ka iban pa nga
bodyguards ni Aguilar.
Limitado naman ang mahatag nga impormasyon ni Tayaba angut sa nagapadayon
nga imbestigasyon sa pag-ambush kay Aguilar.
Nahibaluan nga nakaangkon sang anum ka patal nga pilas si Aguilar tuga sang
pagkatiro kag gindeklara nga patay sang Sabado sang gab-i samtang
ginabulong sa The Medical City.
(photo from web)
