GUIMARAS – Iga-feature ang paho sang Guimaras sa Mango Festival nga igalunsyar sang Department of Agriculture sa Manila sa masunod nga bulan.
Ang paho sang Guimaras amo ang ginakabig pinakamatam-is nga paho sa bug-os nga pungsod.
Ginhimo ni DA Secretary Emmanuel “Manny” Piñol ang announcement sa iya pagbisita sa isla biang kabahin sang byaheng bukid sang nagligad nga semana.
Ginkumpermar ni Provincial Agriculturist Ronie Morante nga magapadala sila sang duha ka metriko tonelada sang paho sa Mango Festival sa Mayo 6-10.
Pahayag ni Piñol ang Mango Festival ginapangunahan sang DA agud mapakilala ang mga local products.
Sa pagbisita ni Piñol sa Guimaras ginturnover man sini ang mga makinarya nga nagabalor sang pila ka milyon ka pesos agud mas mapasanyog pa ang production sang mga mangunguma sa isla.//via Joel Franco reports
Photo from web
