Davao City – Gipaniguro sa Commission on Elections (COMELEC) nga mabiyahe ang mga election paraphernalia sa mga polling precincts nga luwas sa umaabot nga 2019 Midterm Election.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga gawas sa seguridad nga ipatuman atol sa eleksyon, gisiguro usab sa buhatan nga masiguro ang seguridad sa pag deploy sa mga materyeles.
“Sa atong deployment sa mga election paraphernalia, mag request gyud ta og security details ug security escorts, not only for the day of the election,” segun ni Caballero.
Nasayran nga andam na ang mga gamit ug ang pag-deploy na lamang niini ang ginapaabot.
Samtang, una nang gibutyag sa opisyal sa DXDC RMN Davao nga gipailawom na sa final briefing ang mga electoral boards aron mamahimong hapsay ug malinawon ang taliabot nga pinili-ay.
RadyoMaN Kirby Manzon
