Pait nga kasinatian sa virus gipaambit

11

Butuan PIO- “Ayaw hulata ang panahon na oxygen tank nalang ang maggunit sa inyong ginhawa.”
Kini ang pahayag sa 22 anyos nga si Girlie dili tinuod ngalan. Setyembre 8 dihang gidala niya iyang 56 anyos nga inahan sa Butuan Medical Center tungod nakasinati na sa panghawoy sa lawas ug wala nay panlasa ug panimhot. Ug nahibaw-an pag abot sa ospital nga ubos na ang oxygen level sa iyang inahan hinungdan nga kinahanglan kini i-admit. Bisan si Girlie, nakasinati na sab og labad sa ulo ug sip on. Gawas kanila, nag positibo sab sa Covid ang deysi siete anyos nga ig-agaw apan asymptomatic.
Tungod sa kapuno sa ospital, nasinati sa mag inahan nga magpuyo una sa tent gawas sa ospital aron lang ma-admit. Pero admitado siyang gipasabot sab sila sa mga staff sa ospital una pa sila misugot nga temporaryong mopuyo sa tent. Ika pito ka adlaw na nila karon sa tent pero mas maayo na lang tungod nakabalhin sila og tent nga sila lang duha sa iyang mama. Wala na sab gi oxygen iyang inahan tungod arang-arang na ang paminaw. Nakita niini unsa ang paningkamut sa mga health care workers sa ospital sa pag atiman sa mga pasyente bisan tuod gamay lang sila.
Gihingusgan ni Girlie, nga tinuod ang Covid-19 ug dili sayon nga magpositibo ka.
“Legit ang COVID-19 ug nag experience nako unsa ka kapoy ug kahago masakit at the same time magbantay sa nasakit. Walay adlaw diri sa BMC na dili ko makakita ug St. Peter na muabot. Mentras sayo pa pagpabakuna namo, dili man assurance na dili nata ma COVID pero assured ta na kung ma COVID man gani dili ra kaayo lala ang epekto sa imo sa virus. Daghay namatay sa dili pagsunod sa minimum health protocols pero walay mawala kung kita musunod niini. Naa ra gihapon sa atong mga kamot kung unsa atong sundon na desisyon. Naa ra jud sa atong isig usa na kamot ang paghunong aning virus.”
Fully vaccinated na si Girlie apan wala pa mabakunahan ang iyang inahan. Naka schedule na unta kini apan nasakit sa Covid-19.
Ang pagpabakuna makatabang sa ato nga malikay sa symptomatic nga Covid-19 infection, makalikay sa ato nga masakit og severe nga Covid-19, ug makalikay sa paspas nga transmission niini. Kung iskedyul na nimo magpabakuna ug magpadayon sa pag sunod sa minimum health protocols hangtud makab-ot ang herd immunity sa syudad.

Facebook Comments