Dead on arrival sa ospital ang isa ka persona, matapos nga bun-on sang pakaisa sini sa Prk. Magsaysay, Brgy. Katipunan, Sto. Niño, South Cotabato.
Ginkilala ang biktima kag Romy Dagnaos Castro, 34 years old, single, laborer, samtang ang suspek ang ginkilala naman kay Jonel Dagnaos Solivio, 27 years old, single, laborer kag pareho residente sang Prk Magsaysay, Brgy. Katipunan, Sto. Niño.
Base sa ila imbestigasyon suno kay P/Major Sherwin Panaguiton, chief of police sang Sto. Niño MPS, ang biktima kag suspek ang nagainom-inom pagkatapos magsab-og sang may nagluntad nga pagbaisanay sa tunga nila nga nangin rason sa pagbuno sang suspek sa biktima.
Gindala pa sa ospital ang biktima, apang patay na tungod sa naangkon nga madamo nga buno sa mga nagkalain-lain nga parte sang iya nga lawas.
Tigayon naman nga naaresto sang kapolisan ang suspek kag natalana nga pasakaan sang nagakaigo nga kaso.
Samtang wala pag-intiendihanay tungod sa sobra nga kahulugbon ang nangin rason sang insidente.
