Arestado ang pakaisa ni Mayor Tomas Peñaflorida sang Pototan, Iloilo matapos ginserbehan sang warrant of arrest kag nakuhaan sang nagkalain-lain nga armas luthang kag mga bala.
Ginkilala ang subject nga si David Magbanua sang barangay saraque, Pototan, Iloilo.
Ginserbe sang mga katapo sang CIDG-RFU 6 kag Pototan PNP ang search warrant batuk kay David Magbanua mga alas 3:30 kaina sang hapon (Marso 28)
Ang search warrant gin-isyu sang korte batuk sa subject angut sa paglapas sa RA 10591 nga napetsahan Marso 28, 2019.
Kalakip sa mga narecover kay Magbanua ang isa ka TANFOGLIO, isa ka 45 Kalibre nga pistola, isa ka magazine para sa 9mm pistol, isa ka magazine sang 45 caliber, kag mga bala.
Yara karon sa custody sang CIDG-Iloilo city office ang nasambit nga subject.
