Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Ipadayag imong gibati sa usa ka tao apan binli ug espasyo para makahunahuna siya kung unsa jud ang mensahe na gusto nimo ipaabot kaniya, sa laktod na pagkaingon ayaw ihurot o taasa imong mensahe.
TAURUS: (Abril 20-Mayo 20) – Abrihi imong hunahuna sa pagsolbad sa karon nga problema na inyong giatubang, ang inyong masabotan mao ang muhatag ug dakong benepisyo sa matag-usa.
GEMINI: (Mayo 21-Hunyo 21) – Adunay mga butang nga mausab na dili pabor kanimo sa karon, tagae ug pasensya, ayaw padala sa imong kahadlok na dili na kini mahuman, mubo ra ang oras niini kung ikaw musalig ug dili ipaagi sa kainit ug ulo ang mga panghitabo na dili pabor pa kanimo.
CANCER: (Hunyo 22-Hulyo 22) – Usahay kinahanglan na tukion ang usa ka butang aron mahibaw-an ang kamatuoran. Ayaw pagduha-duha kung kinahanglan ka mangutana aron madiskurehan nimo unsa ang naa sa likod sa kangitngit.
LEO: (Hulyo 23-Agosto 22) – Oras na aron musulti ka sa imong ideya o nahibaw-an kataho sa usa ka sitwasyon na dugay na nimo na-obserbahan, kini makatabang sa mga tao na nagduda kanimo na wala ka nagpakabana. Dili lamang kini muhatag ug impresyon na seryoso ka sa maong isyu, dugang sab ni ideya sa mga plano sa lain tao aron mulambo.
VIRGO: (Agosto 23-Setyembre 23) – Kini ang panahon na dawaton nimo ang hagit ug magmalampuson, kung imo kini seryosuhon. Aduna kay punto na ug igong rasonaron mabuhat kini, busa ayaw kataha aron makab-ot ang kadaugan.
LIBRA: (Setyembre 24-Oktubre 23) – Makahunahuna ka og wise nga diskarte o pamaagi sa imong kinabuhi. Pero ayaw og kumpyansa kay bisan og wise ka, ang imong maatubang nga sitwasyon karon kay mas wise pa sa imoha parehas sa ka wise ana imong silingan nga himantayon.
SCORPIO: (Oktubre 24-Nobyembre 22) – Dili tanang butang aning kalibutana consistent. Sa giingon pa nila nga walay forever. Maka relate ka aning linyaha sa imong adlaw karon. Naay mga pagbag-o nga mahitabo karon. Dili sa imong uyab kundi sa imong kaugalingon.
SAGITTARIUS: (Nobyembre 23-Disyembre 21) – Magtoo nga kinahanglan mas mo labaw ka sa mga tao sa imong palibot apan sayop kini nga panghunahuna. Dapat open gyud ka sa kadaghanan og paminawa ang ilahang side. Dili maniguro sa kaugalingon, dili manghinambog kay basin maabot ang panahon nga sila na hinoon ang mas asenso sa imoha.
CAPRICORN: (Disyembre 22-Enero 19) – Ma challenge kas imong kaugalingon karon nga dapat ba ka naay mahitabo na ginagmay nga asenso? O magpabilin lang gihapon ka kung unsay naa nimo karon? Hugti lang gyud ang pagsaligi ana imong kaugalingon kay kaya ra gyud na nimo ang tanan. Salig lang ang higti, ayaw ang imong uyab.
AQUARIUS: (Enero 20-Pebrero 18) – Di ka makatuo sa imong masugatan karong adlawa. Ang butang nga makapasayon ra sa usa ka tao nga maoy mo tabang nimo para dili naka maglisod. Maglibog lang gyud ka kung asa man juy tinoud niining mga butanga. Di magoul kung naglibog. Wala man gani ka nagoul nga naglibog paka sa imong feelings didto kaniya.
PISCES: (Pebrero 19-Marso 20) – Puno ka sa surpresa karong adlawa. Malipayon gyud ka kay kana nga surpresa maoy mo tabang sa imong paglambo. Maswerte kaayo ka kay puno ka sa opportunidad nga maoy mo tabang sa imong mga gusto nga ikab-ot nga mga pangandoy.
Mao kadto ang atoang LeenoWag Horoscope alang sa adlaw nga Miyerkules, Agosto 8, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. Photo gikan sa web. (Sinulat ni DJ Leeno Gaw ug Boss Luwag)
