Davao City – Ensakto ug walay problema ang gihimo karon ni Pres. Rodrigo Duterte nga makigsuod sa China bisan og lahi ang sistema-politikal kung itande dinhi sa nasod.
Sumala ni Ateneo De Davao University (ADDU) Law Professor Atty. Arnold Abejaron, mamahimo kini tungod kay ang tumong maayo man ug dili makig-away.
Gipasabot usab ni Atty. Abejaron, kining pagkigsuod karon sa Pilipinas ngadto sa China wala nagpasabot nga dili na mamahimong sitaon sa nasod ang China sa isyu sa West Philippine Sea tungod kay nagdawat na kita ug hinabang gikan kanila.
Giingon ni Abejaron ang pagtabang sa China sa Pilipinas walay kondisyon o bugti sa bisan unsang pabor.
Samtang sa hisgutanang unsay kasegurohan nga matapos na sa hingpit ang drug trafficking gikan China padulong Pilipinas ug uban pang nasod sa Asya, gitataw ni Abejaron nga makatabang kining pakighigalaay sa Pilipinas sa China tungod kay mabantayan na kini ug dili na mapasagdan.
RadyoMaN Bernard Pantallon
