President Roxas, Capiz- Arestado ang isa ka persona nga nagapakiwal sang ginasukbit nga armasluthang samtang ini ang yara nagalagaw-lagaw sa public plaza sa banwa sang President Roxas kagab-e.
Sa bulig ni SB member Joenil Beltran, natigayon nga maarestar sang mga kapulisan ang suspek nga si Ruben Ortega y Paderes, 30-anyos ang pang-edaron kag residente sang Brgy. Badiangon President Roxas, Capiz.
Natigayon nga marekober sa iya posisyon ang .38 kalibre nga pusil nga may yara pa sang apat ka mga bala.
Sa subong yara na karsel ang amu nga suspek kag natalana nga pasakaan sang kaso nga paglapas sa RA 10591 ukon Illegal Possession of Firearms and Ammunitions Act.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
