Giawhag ni Kabayan Party list Representative ug Assistant Majority Leader Ron Salo nga pakusgon ang exports sa nasud sa mga Halal-certified food products.
Sumala kang Salo, nga gawas sa petroleum products nga nakuha gikan sa OPEC countries , himuong advantage sa nasud nga pakusgon ang Halal exports aron nga mapalapdan pa ang patigayon sa Asya.
Basi sa Department of Trade and Industry (DTI), mukabat sa $3.2 Trillion ang global size market sa Halal products kansa dakong tabang sa nasud kung pakusgan ang maong industriya.
Samtang target usab sa DTI ug sa Philippine Halal Export Development and Promotion Board nga butangan ug certification field offices ang mga lugar sa Mindanao nga gilangkuban sa Cotabato City, Kidapawan, Davao, General Santos, Zamboanga City, Cagayan de Oro City, ug Butuan City.
