Davao City – Nakasakmit na og duha ka gold medals ang Region XI-Davao Eagles sa nagpadayong Palarong Pambansa 2018 sa Vigan, Ilocos Sur.
Base sa partial & official medal tally sa maong paugnat sa kusog nga gipagula alas 4:29 kaganinang kadlawun, aduna nay duha ka gold medals, lima ka silvers ug duha ka bronze medals ang nakuha na sa Davao Region.
Usa sa mga nakakuha og gold medal ang atletang si Arnold Alisaan, 12 yrs old, grade 6 student sa Buhangin Elementary School ning syudad sa Davao kinsa nakadaog sa Taekwando event (sparring) kahapon sa hapon.
Samtang nanguna karon ang National Capital Region sa pagpondo og gold medals diin sa karon aduna na silay 17 ka gold medals nga gisundan sa Region 4-A-Calabarzon nga aduna nay napulo ka gold medals apan sa karong mga panahona, wala pay ranking nga gipagula.
Padayon gihapong ginapahigayon ang nagkadaiyang aktibidad sa Palarong Pambansa 2018 nag nahan-ay sa ikatulong adlaw karong adlawa, Abril 18.
RadyoMaN Renz Barbarona
