Palarong Pambansa Davao athlete, na-injure

Davao City – Gikumpirma sa Department of Education Davao Region nga usa ka atleta sa Davao Eagle Team ang nabalian og tiil sa natigayong advance game sa nagpadayon nga Palarong Pambansa nga gipa-higayon sa Vigan.

Giila ni Deped 11 Spokesperson Jenelito Atillo ang atleta nga mao si Mark Joseph Panaog ug estudyante sa sekondarya, football player ug kabahin sa delegasyon sa Rehiyon Onse sa Palarong Pambansa 2018.

Segun ni Atillo nga lamang og lima ka puntos ang team ni Panaog sa dulang football dihang aksidente nadisgrasya ang tiil sa Dabawenyong atleta sa kasagsagan sa advance game niadtong Sabado miaging semana.


Hinoon sa karon, nasemento na ang tiil ni Panaog ug anaa na kini sa luwas nga kahimtang human gidala sa provincial hospital sa Ilocos Norte diin gilauman nga duawon sa mga ginikanan si Mark Joseph aron personal nga sutaon ang kahimtang sa anak.

Giingon pa sa tigpamaba nga dad-on og balik dinhi sa siyudad sa Dabaw si Panaog aron dinhi ipadayon ang operasyon sa nabali nga tiil.

Giingkon ni Atillo nga naapektaran ang dula sa Davao Eagle Team gumikan sa nahitabo ni Panaog apan positibo delegasyon nga makasungkit og daghang medalya aron musaka sa ikalimang puwesto gikan sa ika-pitong puwesto sa miaging Palarong Pambansa.

RadyoMaN Joel Viray

Facebook Comments