Bacolod City – Ginatos ka mga deboto sang Simbahang Katoliko ang nag-upod sa pagpamalandung sa una nga adlaw sang semana santa ukon Holy Week kahapon, Palm Sunday.
Ginsuguran ang hilikuton pinaagi sa pagbasbas sang mga lukay ukon mga palaspas sa Bacolod Public Plaza sa seremonya nga ginpangunahan ni Fr. Felix Pasquin, rector sang Bacolod San Sebastian Cathedral.
Sa iya mensahi gin siling ni Pasquin nga ang kahiwatan sa pagsulod ni Ginoong Hesukristo sa Jerusalem kadungan sa pag hugway sang mga tawo nga nagsugata sa Iya ang naga simbolo sang panibag-o nga pagla-um pinaagi sa paghinulsol sang sala sang katawhan.
Kasunod sang pagbendisyon sang mga lukay naglakat man ang mga deboto pasulod sa Bacolod san Sebastian Cathedral para sa Santos nga Misa.
Samtang, nagsugod na sa pagdamo ang mga pasahero nga nagapadulong sa mga bus terminals diri sa syudad sang Bacolod sining Lunes Santos.
Kalabanan sang mga pasahero ang magapadulong sa ila tagsa ka mga lugar ang magbakasyon.
Apisar sa pag damo ang mga pasahero, regular naman kag wala pa ang special trips ang mga bus company ilabi na ang Vallcar Transit sa North kag South Bound Terminal sini nga aga.
Sa nahibalu-an, ang Bacolod City Police Office ang nagbutang na sang Police Assistance Desk sa mga bus terminals, seaport , airport kag mga mga matawo nga lugar kaangay sang simbahan.
Sa pihak nga bahin, maga-assign naman ang Land Transporation Office (LTO) sang ila mga personnel sa mga bus terminal para sa” Oplan Ligtas Byahe” campaign.
byahe, LTO, bus terminal, pasahero
