PAMATIAN ANG SUHESTYON | Capiz DepEd Division Superintendent Dr. Roel Bermejo, magapatawag sang municipal stakeholders forum

Roxas City, Capiz- Ginpahayag ni Dr. Roel Bermejo nga nangin matalunsay ang pag-asyumar sini bilang bag-o nga Division Superintendent sang Capiz DepEd Division tal-os kay Dr. Miguel Mac Aposin nga gin-assign na sa probinsya sang Iloilo.
Ini bangud man nga ang mga programa nga ginbayaan ni Dr. Mac Aposin ang “in place” naman kag ang iya na lamang nga himuon amu pag-enhance sini para sa implementasyon.
Suno kay Bermejo sang nakaligad, nagpatigayon sila sang Joint Division Management Committee ukon ManCom meeting kaupod ang mga district supervisors kag school heads ukon mga principal halin sa elementary kag secondary school sa probinsya sang Capiz.
Katuyoan sini nga mahibaloan ang mga feedbacks kag mga programa nga dapat pa nga ipatuman sang DepEd Division sang Capiz.
Samtang nagtambong man sa amu nga meeting sanday 2nd District Representative Fredenil Castro, Provincial Legal Chief Atty. Ronnie Dadivas kag ang tiglawas ni 1st District Representative Emmanuel Billones Sr. nga si former Board Member Emmanuel “Junjun” Billones Jr.
Nagapati si Bermejo nga agud nga mangin maayo ang pagpamuno sini, nagakadapat nga mahibaloan niya ang pila ka mga concern halin mismo sa mga schools head kag paagi sini, sarang nga makabalay sang mga programa ang iya pamunoan agud nga masabat ang amu nga mga problema.
May kaangut sini, natalana nga magapatawag siya sang serye sang municipal stakeholders forum sa kaupod ang mga LGUs kag mga pribado nga sektor.
photo © Mark Julius Fuentes

Facebook Comments