Ika 4 na adlaw kaganiha sa misa de gallo o simbang gabi karong tuiga. Ang pangutana, naka attend ba ka? O basig bisag usa wa pa gyud kay natambungan? Di maguol, naa pay ugma ug pipila ka adlaw.
Ang gospel alang sa 4th day gikan sa Luke 5:5-25. Kabahin ni Zechariah sa dihang naay anghel nga nakigstorya niya sa templo ug wa siya motoo sa mensahe sa maong anghel. Mao miingon ang anghel nga kung di siya motoo sa maayong balita alang kaniya kay ma amang ang maong tigulang.
REFLECTION
Sa panahon sa kahilom diha nato mas masinati o madungog ang mensahe sa Ginoo. Sa panahon nga naay pagduhaduha sa atoang kasingkasing hinaot pa nga atoang i ampo nga dili unta matay-og ang atoang pagtoo o pagsalig sa Ginoo.
“SCORE” SA 9 DAYS
Ma perfect man nimu ang 9 ka misa de gallo o dili ang importante nga mo score gyud ka maski’g 1 man lang. Mas maayo gyud nga motambong sa misa alang sa pagpangandam sa pagkatawo sa atoang manunubos nga si Jesus Christ. Kay ang Pasko dili lang puro kalingawan kung dili kabahin ni sa atoang gugma sa Ginoo isip mga binunyagan nga Roman Catholic.
Balik ta, pila naman gyu’y score nimu idol? Zero (0) pa gyud ka? Ayaw kaguol kay naa pay 5th hangtud 9th day! Simba gyud ha para makapamalandong ka.
Idol, unsa may pinakapaborito nimu nga memories kabahin sa “misa de gallo”? Ug ako nuh kay kanang sa probinsiya kay naay libre corn coffee o sikwate ba kaha. Naa pa gyu’y budbud. Ikaw, idol?
