Todo ang pagpangandam karon sa pambato sa dakbayan sa Gensan alang sa Binibining Pilipinas 2018 nga si Janette Roanne Lising Sturm.
Usa ka Mass Communications graduate sa Ateneo de Davao University, og migradwar isip Cum Laude.
Midako sa dakbayan sa Gensan si Janette bisan pa man nga usa kini ka half Dutch, kon diin gipanganak kini sa Vlissingen, Netherlands.
Sa wala pa kini misabak alang sa kompetisyon sa Binibining Pilipinas, nahimo siyang Miss Socsargen 2012, Miss Silka Central Mindanao 2013, Miss Silka Philippines 2013.
Nahimo usab siyang Top 10 Reyna ng Aliwan General Santos 2013, Miss Sophie Davao 2014, Miss World Philippines 2015 finalist, Miss Manila 2016 finalist, Miss China-ASEAN Philippines 2017, Miss China-ASEAN 2017- Best Image Award, Top 5 Freelance Model and Talent.
Nahimong adbokasiya ni Sturm sa pagsalmot sa maong beauty pageant mao ang Anti –Bullying kon diin matud usa sa iyahang nasinatian sa bata pa siya.
Samtang nangayo usab og suporta si Sturm sa mga kababayan niini sa Gensan nga suportahan siya alang sa maong kompetisyon. o
