Roxas City, Capiz – Madinalag-on nga naka-file na sang tagsa nila ka mga Certificate of Candidacy(COC) ang mga pambato sang PDP – Laban Party sa Roxas City.
Ini ang ginpangunahan sang mayoralty candidate nga si former CDRRMO head Rommel Lastimoso kag former city Councilor Atty Powell del Rosario nga mangin ka-tandem sini nga magapapili sa pagka-bise alkalde.
Samtang nalakip sa linyada sang mga ini nga magapadalagan sa pagka- city councilor amu sanday incumbent City Councilor Medilo Ocampo kag City Councilor Moreno Gonzaga.
Liwat man nga magapapili sanday former City Councilors Joe Agdalipe, former City Councilor Erlyn Lim kag former City Councilor Jinefer Anisco – Poliran.
Magapapili man sanday Punong Barangay Alfredo ‘Menong’ Albaladejo, Punong Barangay Antonio Besana, Earl Sicad kag mga broadcasters nga sanday Mr Rico Infante kag Rexam Laguda.
