Ginkoronahan bilang Miss Earth 2017 ang pambato sang Pilipinas nga si Karen Ibasco.
Nagpangibabaw si Ibasco sa 85 sila nga mga kandidata gikan sa nagkalain-lain nga bahin sang kalibutan sa Coronation night nga ginhiwat sa Mall of Asia Arena.
Nagdaug man si Ibasco sang gold medal para sa Asia Pacific National Costume category, Darling of the Press kag Group 2 Swimsuit competition.
Nakuha man ni Ibasco ang silver medals sa Resorts wear competition kag Long gown Competition.
Ginbuslan sang 26 anyos nga Physics Instructor sang University of Sto. Tomas si Miss Earth 2016 Katherin Espin sang Ecuador.
Nagdaug naman bilang Miss Earth Air 2017 si Nina Robertson sang Australia, Miss Earth Fire 2017 si Lada Akimova sang Russia kag Miss Earth Water 2017 si Juliana Franco sang Colombia.
