Ginahikut na sang pamilya Ariate ang kaso batok sa retired police nga nagluthang sa mag-amay nga Ariate sa Bolilao, Mandurriao sang Abril 1 sa diin napatay gid ang anak nga si Jorem Ariate samtang padayon nga ginabulong sa hospital ang amay nga si Jose Ariate.
Suno sa iloy ni Jorem nga si Reme Ariate, ila na iga-file ang kaso nga murder, frustrated murder kag attempted murder batok kay retired police SPO1 Ariel Acopicop subong nga adlaw.
Wala naman nagalaum si Reme nga mahimo ini ni Acopicop bangud kumpare man nila ang suspek.
Ginahingyo naman ni Reme nga magsungka na ang suspek kag atubangon ang ginhimo nga krimen agud mahatagan sang hustisya ang iya napatay nga anak.
Facebook Comments
