Davao City – Dakung factor ang kalig-on o kahuyang sa usaka pamilya diha sa ‘faith level’ sa katawhan ingon man sa pagtubo sa atong mga kabatan-onan ilabi na diha sa natad sa pagtoo.
Sumala ni UM-IPO Executive Director of Quantitative Studies Dr. Adrian Tamayo, sagad sa mga respondent mao ang mga batan-on ug young adults.
“Sa maong mga households, 15 ang naga-simba, napulo ang nagaadto sa simbahan ug 9 lang ang naga-uban isip pamilya sa pag worship,” segun niini.
Gipasabot ni Tamayo, posibleng rason niini mao ang dili na kanunay mag-uban sa pag-ampo sa usa ka pamilya gumikan sa posibleng lahi nga panlantaw karon sa kabatan-onan diin aduna na kiniy tagsa-tagsa ka mga kakulian.
Base usab sa ilang gipahigayong survey sa milabay’ng bulan, nigula nga anaa na lamang sa tulo ngadto sa upat ka oras ang ginagahin nga oras sa kabatan-onan diha sa ilang pamilya.
Sugyot ni Tamayo, gikinahanglan mag-uban ang usa ka pamilya diha sa pag-ampo ug magpabiling hugot ang relasyon niini sa matag-usa ka miyembro aron makorehian kining obserbasyon nga unod sa UM-IPO survey sa faith levels sa mga taga-Davao.
“I-drop ang ubang butang nga dili kaayo importante para sa atong pamilya,” dugang niini.
RadyoMaN Jason Amisola
