Davao City – Hustisya ang panawagan karon sa pamilya sa usa ka lumad leader kinsa giingong gipatay sa mga New People’s Army didto sa Barangay Camp Edward , Alegria, Surigao del Norte, Biyernes sa gabie.
Gipusil atubangan sa iyang pamilya didto sa iyang kaumahan si Dakula Guillermo Tiambong, 58 anyos, usa ka Indigenous People’s Mandatory Representative (IPMR).
Gibutyag sa anak sa biktima nga si Girlie nga iyang amahan nakadawat og mga death threats gikan sa NPA tungod sa pagkaaktibo niini isip usa ka advocate sa kalinaw ug kauswagan sa ilang lugar.
“Walay sala ang akong amahan nganong ila man kining gipatay? Giyatakan sa mga npa ang katungod namong mga tribu nga magpuyong malinawon.” sumala sa anak niini.
Si Datu Tiambong maoy representante sa ilang tribu atol sa gipahigayong Indigenous People’s Summit uban si Presidente Rodrigo Duterte dinhi sa dakbayan sa Davao.
Nagpaabot sa ilang pahisubo ang Commanding Officer sa 30IB, LTC. Allen Raymund Tomas ngadto sa pamilya sa gipatay nga lumad leader.
“We extend our deepest condolences to the bereaved family of Dakula Guillermo Tiambong whose daughter is an active youth leader,” segun ni Tomas.
Subay niini hugot usab nga gikondena ni 30IB Commander Brig. Gen. Franco Nemesio M. Gacal ang pagkutlo sa NPA sa kinabuhi sa biktima.
“We condemn the terrorist CPP-NPA for the unlawful act of murder to helpless IPs. This is again a clear violation of the Human Rights. With their crime committed, full force of the law will be utilized to bring justice to the victim,” sumala ni Gacal.
Gisaad sa armadong kusog nga ilang gukdon ang mga suspek kinsa responsible sa pagpatay sa biktima ug aron matagaan gayod og hustisya ang kamatayon niini.
RadyoMaN Aimee Guinita
