Pamilya ni Shiela Lagsaway dili kadawat sa gidangatan sa biktima

Davao City – Dili madawat sa pamilya ang gidangatan ni Shiela Lagsaway human gipatay sa inahan sa agalong nurse nga si Nenita Pagatpatan, 70 anyos, biyuda human gipatay ug gilabay sa kilid sa kalsada sa Deca Homes, Cabantian, Davao City ang biktima.

Gibutyag ni Aiza Lagsaway, manghud ni Shiela, nga maglisod sila sa pagtuo nga patay na iyang igsuon human gikumpirma sa Buhangin Police Station ang nahitabo sa iyang ate.

Tungod sa nadungog ni Aiza, gilayon iyang gipahibalo ang iyang amahan ug ubang miyembro sa pamilya mahitungod sa kamatayon ni Shiela diin kagahapon sa hapon nahidangat sila sa Rivera Funeral Parlor sa Sasa gikan sa Don Marcelino Davao Occidental.

Sigun ni Aiza, una paman nahitabo ang krimen, nakasumbong na daan sa ilaha ang biktima nga dunay ginahimong anomaliya (maltrato) ang suspek nga si Nenita.

Giingong sa manghod nga gusto na unta muhawa si Shiela aron mupahuway og trabaho, apan ang amo nga Nars (anak sa suspek) maoy wala musugot sa rason nga walay magbantay sa iyang inahan.

Plano karon sa pamilyang Lagsaway nga dad-on balik sa Don Marcelino Davao Occidental ang patay’ng lawas aron didto na ihaya ug ilubong ang biktima.

Si Shiela ug ang employer nga nurse nagka-ila online ug gidawat niini ang trabaho isip helper, apan wala damha nga kamatayon di ay ang dangatan ni Shiela.

RadyoMaN Joel Viray

#TatakRMN