Davao City – Adunay igong kamatuoran ang gipagawas nga resulta sa survey nga migamay karon ang mga tawong nagtoo sa Dios.
Gikumpirma mismo ni Monsignor Paul Cuizon sa simbahang Katoliko sa Davao nga daghan na ang wala mitoo sa Dios karong panahona butang nga dakUng hagit karon diha sa sektor sa relihiyon aron mobalik ang ilang pagsalig sa labing makagagahum.
Matud pa usab ni Cuizon hagit usab kini kanato nga nagtoo sa Dios nga atong ipakita kanila nga mobalik sa pagsalig sa Ginoo.
Gipasabot usab ni Cuizon kung nganong daghan na ang wala mitoo sa Dios tungod kay nakasentro na lamang ang tawo sa mga butang sa kalibutan ug wala na nila mahatagi ug panahon ang Ginoo.
Tungod niini hagit ni Cuizon sa matag pamilya nga pakusgon ang maayong relasyon pinaagi sa bonding aron dili mawala ang pagtoo diha sa Dios.
RadyoMaN Bernard Pantallon
