General Santos City–Gipaklaro sa pamilya sa 15 anyos nga dalagita kansa una nang gidudahang nagbaton ug Meningococcemia nga dili maong balatian ang mitakboy sa biktima.
Sumala ni Jennifer igsuon sa biktima nga basi sa findings sa mga doctor nga mihiling sa nasampit lupus ang sakit sa iyang igsuon ug dili meningococcemia.
Nasayran nga kaadlawong niadtong sabado dihang nakabsan gyud sa iyang kinabuhi ang 15 anyos samtang kini naka-confine sa dr. Jorge Royeca Hospital.
Dugang pagbutyag ni Jennifer nga una nilang gidala ang iyang manghod sa Diagans Hospital.
Dengue ug UTI ang findings sa doctor sa maong balay tambalanan. Human sa pipila ka adlaw nga naadmitar medyo nag okey ang kahimtang niini mao nga ila nang gipagawas.
Pero human sa pipila ka adlaw nanghupong ang iyang manghod mao nga ilang gidala sa Dr. Jorge Royeca Hospital. Posibleng gidudahan lang nga adunay Meningococcemia ang iyang manghod tungod sa pipila ka sentomas nga nakit-an sa biktima.
Sa karon mihangyo ug tabang pinansyal ang pamilya sa 15 anyos gumikan sumala pa naglisod sila sa karon sa pagpahiluna sa patayng lawas niini tungod halos nahurot na ang ilang kwarta sa pagpahospital sa nasampit nga biktima.
