General Santos City–Desidido gyud nga kasuhan sa amahan sa 16 anyos nga dalagita ang iyang ig-agaw nga usa ka opisyal sa barangay ug IP representative sa usa ka barangay dinhi sa Gensan kansa responsabli matud pa sa pagmolestya sa iyang anak.
Sumala sa wala nganling amahan nga dili niya madawat nga unayon sa iyang ig-agaw nag iyang anak.
Iya untang gisaligan ang suspek sa iyang anak tungod sila kadugo apan wala siya magdahum nga mao na nuon ang nagplano ug dautan sa iyang anak.
Giangkon sa amahan nga una nang nagsumbong kaniya ang iyang anak nga siya gimolestya sa unang higayon palang. Apan wala niya kini gitagad tungod basin ug hubog ra ang suspek dihang iya kining gihimo.
Apan sa ikaduhang higayon nga gihimo sa suspek ang pagsuway ug lugos sa iyang anak didto na siya nagbaton ug kasuko dungan pagpanganti nga dili niya pasayluon ang suspek, sanglit iya gyud kining pasakaan ug kaso.
