Polomolok, South Cotabato–Desidido nga mopasaka ug kaso ang pamilya sa 16 anyos nga dalaga batok sa mga suspek nga itago lang sa pangalang silang si alyas Tikboy, Boboy, Boknoy, Dodong, Andoy ug Tonton mga hingkod ang pang-idaron pulos residente sa Brgy.Cannery Site, Polomolok, South Cotabato kansa miamong among matud pa sa biktima.
Gihingusgan sa ginikanan sa biktima, dili nila madawat ang nahitabo sa ilang anak asa gipanamas-tamasan pag maayo sa mga nasampit.
Samtang saysay pa sa biktima nga tungod sa iyang pagsalig sa iyang amigo mi-uban kini dihang gi-imbeta nga magkaon didto sa panimaly sa barkada sa iyang amigo apan wala niini damha nga dunay dautang tumong ang mga suspek ngadto kaniya.
Dugang pa sa biktima nga niadtong higayona wala kini gibatig kahadlok bisan pa man nga siya ra usa nga babaye tungod kay gipasiligan siya sa iyang amigo nga walay mahitabo kaniya.
Apan dihang nangahubog na silang tanan didto na gipuli-pulihan ug gamit ang biktima sulod sa kwarto nga wala nay kusog ang iyang lawas sa pagtuo nga gibutangan ang iyang gi-inom nga bino aron dali lang kining malipong.
Gipaklaro usab sa biktima nga una ng nagpositibo ang resulta sa iyang medical sa Polomolok Municipal Ospital ug mismo ang pulis ang gisulti-an usab niini sa doctor.
Apan nakurat na lamang sila dihang nagnegatibo na ang resulta sa iyang medical human subli kining nagpa-medical sa health center ilang Barangay. (Reynald Timario)
