Davao City – Wala pa mopasaka og kaso ang pamilya sa menor de edad nga 9 anyos nga si alyas Vem Vem, batok sa suspek nga si alyas Niko nga maoy mi-hostage sa pinuy-anan ni Lita Alce niadtong adlaw’ng Huwebes alas 11:00 sa buntag, Disyembre 15, 2022.
Sa interbyu sa DXDC RMN Davao kang alyas Loley, lola sa biktima gibutyag niya nga i-pailawom una sa medikasyon ang maong bata tungod kay kini na trauma.
Segun sa Lola, gi-atiman pa sa inahan ang iyang apo ug wala pa masabuti sa pamilya kung pursegido ba kini mopasaka ug kaso batok suspek.
“Sa akong nabaw-an gikan sa akong igsoon naa na ang bata sa ilang balay og nagplano nga ipa doctor sya kay nibati kini sa pagkatrauma,” sulti sa Lola.
Samtang ang suspek anaa na sa Institute of Psychiatry and Behavioral Medicine (IPBM) sa SPMC ug wala kini mapasakaan og kaso sa kapulisan sa Bunawan tungod duna kini deperensya sa pangisip.
RadyoMaN Don Pulayao
Facebook Comments
