Davao City – Mamahimong ma-detain o prisohon ang apuhan nga suspek sa brutal nga paglugos patay kung madakpan kini pinaagi sa warrant of arrest o boluntaryong motahan sa iyang kaugalingon sa kapulisan.
Segun ni Police Major Catherine Dela Rey, Davao City Police Office ( DCPO), laumang magpagawas gilayon og warrant of arrest ang korte sa kasong Rape with Homicide batok sa suspek.
Gibutyag ni Dela Rey, gikonsidera nila kining case cleared human nailhan ug mapasakaa’g kaso ang 60 anyos nga apohan nga si Erinio Limocon Ado, apan wala giangkon sa suspek ang krimen bisan og nakit-an sa mga witnesses sa crime scene.
Sa pikas bahin, gitakdang ilubong ang biktima bisan og wala naka-uli sa Pilipinas ang inahan tungod sa aberya sa proseso sa iyang dokumentos ug maglisod usab kini’g pagdawat sa insidente ilabina nga iyang amahan (apohan sa biktima) ang gitudlong nihimo sa mangilngig nga krimen.
RadyoMaN Aimee Guinita
Facebook Comments
