General Santos City–Mag depende pa resulta sa panagsabot sa duha ka mga pamilya nga involve sa banggaanay sa duha ka mga motorsiklo sa Fil-am road, Barangay Fatima, Gensan ang mamahimong disisyon sa pamilyang Nupal human nga namatay ang ilang kabanay nga si Harry Nupal.
Sumala pa ni Marlon Nupal, manghud sa namatay nga si Harry Nupal nga mag tagbo pa sila sa pamilya ni Javier Ebrahim, kansa maoy nakabangga sa biktima ngadto sa buhatan sa Traffic Management Unit aron sabotan ang ilang mga demands.
Ang buot lang matud pa sa mga igsuon sa biktima nga kinahanglan mahatag sa pikas kampo ang alang sa mga anak sa biktima nga nabiyaan niini human sa iyang kamatayon.
Apan kung dili sila mag kasinabtanay mapugus gayud sila nga ipasang-at ang kaso ngadto sa korte batok sa responsible.
Samtang gikabutyag ni PO1 Zaldy Bacud, imbistigador sa traffic management unit nga sa karon ginapaabot nalang nila ang duha ka pamilya nga mag settle apan ug dili matud pa sila mag kasinabot andam man usab ang ilang opsina nga pasakaan ug kaso ang suspek.
Kung kahinumduman nga patabok sa phil am road ang biktima nga si Nupal padulong sa canning factory sa Tambler aron nga mag hatod ug pasahero apan kalit kining gibangaan sa motorsiklo nga Yamaha sniper nga gimanihuan ni Ebrahim nga padulong usab sa Barangay Fatima.
Naka angkon ug samad sa ulo ang bitima nga hinungdan sa iyahang kamatayon samtang na dala usab sa balay tambalanan ang pasahero niini nga si Lou Jane Pojas nga naka-angkon ug samad sa iyahang ulo ugang driver sa sniper nga motor nga si Javier Ebrahim human sa maong panghitabo. (Dave Silagan)
