Davao City- Nagbangutan ug hustisya ang singgit sa pamilya sa gipusil patay nga kanhing kagawad sa Brgy. Datu Abdul Dadia, Panabo City, Davao del Norte nga si Acmad Razul.
Gisaysay sa anak niini nga wala na nagpaila atol sa pakighinabi sa DXDC nga blangko ug nibilin og dakong pangutana kini kanila og nganong gipusil patay ang ilahang amahan.
Ang biktima nidagan niadtong Barangay and Sangguniang Kabataan Elections (BSKE) 2023 ug kalinya kini sa gipusil patay usab nga elected Kapitan nga si Engr. Paul Albert “Epong” Saquian.
Sumala sa anak niini, ang biktim Tribal Leader sa Maguindanaoan Tribe sa Panabo City.
Lakip sa nahimong big projects niini ang pagmuntar og Islam Cemetery para adunay plastadong lubnganan ang ilahang mga kaigsuonang Muslim.
Gitugyan nila sa kapulisan ang imbestigasyon apan nanghinaot nga masolbad gayod ug madakpan gyod ang mga nipatay sa ilahang amahan.
RadyoMaN Aimee Guinita
Facebook Comments
