Davao City – Nihatag og ultimatum si Davao Del Norte Police Provincial Director Col. Alexander Serrano sa tanang station commanders nga solbaron ang mga krimen sa ilahang mga lugar.
Gibutyag ni Serrano sa interbyu sa DXDC RMN Davao, kinahanglan masolbad nila ilabina ang mga murder cases sulod sa usa ka bulan.
Matud niini wala pa gayod nila nadeterminar sa pagkakaron kung personal o pulitika ang motibo sa pagpusil sa kanhi Kagawad nga si Acmad Razul niadtong Disyembre 6 sa kagabie sa ilahang lataran sa Purok Rambutan, Barangay Datu Abdul Dadia, Panabo City.
Gilubong na ang biktima kagahapong adlawa subay sa muslim costumary.
Lakip sa giimbestigahan sa PNP DavNor kung konektado ba ang pagpatay kag Razul ug kang Kapitan nga si Engr. Paul Albert “Epong” Saquian nga magkaalyado sa BSKE 2023 Elections.
RadyoMaN Aimee Guinita
Facebook Comments
