General Santos City—Blangko ang ginang nga si Jenny asawa ni Rocky Nali, ang biktimang brutal nga gipatay kung unsa gyud ang motibo sa kremin nganong sama ka brutal ang gidangatan niini.
Una nang nakaplagan ang biktima sa daplin nga bahin sa dalan sa may Purok Nopol, Barangay Conel ning dakbayan.
Matud ni Jenny nga bandang kaadlawon niadtong nakalabayng adlaw, dihang nihawa sa ilang panimalay ang iyang bana. Sa iyang pagtuo tua lang kini sa Fish Port Complex nagtrabaho isip laborer, apan siya natingala nalang nga wala gyud makauli sa ilang balay hangtod nga sila gipahibalo nga gipatay ang iyang bana.
Dugang pagbutyag ni Jenny nga wala may nasulti kaniya nag iyang bana nga duna kini nakalaban o nakabingkil. Sumala niini nga wala man kini bisyo gawas lang sa pagpanigarilyo ug pag-inom ug ilimnong makahubog.
Tungod niini naglibog siya kung si kinsa ang mipatay sa iyang bana. Samtang hugtanon usab niining gikondina ang brutal nga pagpatay sa nasangpit diin gigolgolan ug gibaklid pa ang mga kamot samtang giputos pa ug tape ang iyang nawong.
