Davao City- Gi-aksyonan dayon sa DXDC News Team, ang pamilya sa construction worker nga nagpatabang human wala na nakauli sa ilang pinuy-anan ug nagtuo ang pamilya nga nag- overtime sa trabaho, apan nasayran nga gipusil patay niadtong ala 1:47 Domingo sa kadlawon, March 17, 2024, sa Sitio Amakan, Buhangin, Davao City.
Gihimo sa DXDC News Team nga mapaabot ang maong concern sa Buhangin Police Station, kabahin sa usa ka lalaking wala mailhi nga gipusil patay ug gidala sa Southern Philippines Medical Center (SPMC). Sa dihang gisusi sa pamilya sa hospital, giila nila nga si Ramel Caton, 22 anyos ug taga-Malita, Davao Occidental.
Gihimo sa DXDC News Team nga mapaabot ang maong concern sa Buhangin Police Station, kabahin sa usa ka lalaking wala mailhi nga gipusil patay ug gidala sa Southern Philippines Medical Center (SPMC). Sa dihang gisusi sa pamilya sa hospital, giila nila nga si Ramel Caton, 22 anyos ug taga-Malita, Davao Occidental.
Sa pakighinabi sa DXDC RMN Davao kang Police Major Joenel Pederio, ang Hepe sa Buhangin Police Station gisulti niya, nakadawat ang Buhangin Police Station og tawag gikan sa Central 911 kabahin sa lalaking gipusil.
Matud ni Pederio, nakita si Caton sa maong lugar nga adunay dalang pusil, hinungdang miresponde ang kapulisan. Ingon ni Pederio, Inay nga motahan sa kaugalingon mibunot kini sa iyang armas nga .38 caliber revolver ug gipusil ang mga pulis, sa dihang mibalos pagpusil ang mga pulis naigo kini nga miresulta sa kamatayon.
Gi-awhag sa hepe ang pamilya nga moadto sa Buhangin Police Station, aron estoryahon kabahin sa nahitabo.
Ginasuta pa usab sa kapulisan ang background sa maong suspetsado.
RadyoMaN Don Pulayao
Facebook Comments
