General Santos City–Blangko pa ang pamilya sa biktimang si Joemar Ybañez, 32 anyos, nga taga purok 1,barangay kawas , Alabel, Sarangani Province sa motibo ug sa suspek sa pagpatay ngadto kaniya.
Sumala sa asawa sa biktima nga ayha nahitabo ang pagpatay sa iyang bana niadtong Martes sa hapon sa National Highway sa Barangay Kawas, wala man kini nasulti nga dunay nagbahad kaniya.
Dungan niini nagsinggit ug hustisya ang ginang alang sa iyang bana nga yano lang gipatay sa mga suspetsadong nakamotorsiklo.
Bisan si Martin Ybañez, uyuan sa biktima blangko gihapon sa motibo sa pagpusil patay sa iyang pag-umangkon.
Sumala niini nga nagkaestorya pa siya ni Joemar niadtong Lunes sa gabie ug wala man usab kini nasulti nga adunay nagbahad sa iyang kinabuhi.
Sa karon gitugyan nalang sa pamilya ngadto sa kapulisan ang pag imbistiga sa kaso ug siya nanghinaot nga mahatagan ug hustisya ang nahitabo sa iyang pag-umangkon.
