Polomolok, South Cotabato–Ginapaabot pa sa kapulisan ang kabanay sa mag-amahan nga napatay sa disgrasya nga silang Nestor Masaglang ug Carlo Masaglang kansa nabanggaan sa kotse nga gimanehoan ni John Paul Bayron niadtong milabay nga adlaw sa National Hi-Way, Brgy.Crossing Palkan, Polomolok , South Cotabato.
Pamahayag ni Police Captain Rommel Hitalia, Deputy Station Commander sa Polomolok MPS nga possible karong adlawa moabot ang kabanay sa mga biktima gikan sa Davao aron hisgutan unsay mamahimong desisyon kung makig-areglo ba kini sa driver nga nakabangga ug kung unsa ang ilang gustong mahitabo.
Matud pa ni Hitalia nga kung dili makig-alayon ang mga nasampit ngadto kanila mapasakaan gyud nila ug kaso ang nasampit nga driver apan gipaklaro niini nga andam usab makig-areglo ang kampo sa driver ngadto na sa pamilya sa mga biktima.
Kahibaloan nga una ng nabanggaan patay sa kotse ang mag-amahan samtang sakay sa motorsiklo pauli na unta sa ilang panimalay, sa nasampit nga lugar nga miresulta sa ilang kamatayon.(RV)
