Suma ni Duhaylungsod nga kabahin sa hisgotan mao ang pagsuta sa hitabo, negosasyon, ug ayuda nga itunol ngadto sa pamilya sa mekaniko nga si Roger Conejar kinsa on-the- spot patay human mibunggo ang motor sa boom truck nga nagparking sa Old Airport, Kilometer 9, Sasa ning syudad pasado 9:00 kagabii.
Di pa maingon ni Duhaylungsod kung unsang klase nga nga tabang ang matunol sa DCWD sanglit mag-istoryahanay pa ang duha ka kampo hinoon gipasalig sa tigpamaba nga ilang tabangan ang nahibiling Pamilya sa biktima.
Dugang ni Duhaylungsod nga nasuta sa ilang gihimo nga internal investigation nga nasunod ra sa ilang driver ang protocol ug way nakita nga sayop ang tagdumala sa DCWD hinoon mag-agad lang sila sa lakang sa Sasa PNP batok sa ilang driver.
RadyoMaN Joel Viray
