General Santos City–Blangko gyud ang pamilya sa minor de edad nga si Alias David nga taga Fundar Subd., Barangay Poblacion Polomolok, kung si kinsa ang sad-an sa ug nagpatay sa biktima niadtong Lunes sa gabie.
Sumala ni Nanay Liseng, apuhan sa biktima nga wala gyud siya masayud sa mga katikaran ug ginahimo sa iyang apo tungod wala man kini gapirme sa ilang panimalay.
Gawas niini dili maestorya ug tarong ang iyang apo tungod dali ra kining masuko hilabi na kung pangutan-on.
Gibutyag pa ni Nanay Liseng nga base sa impormasyon nga nakaabot kaniya kanunay gabyahe ang iyang apo sa syudad sa Davao ug Koronadal.
Usahay halos tulo ka adlaw hangtud usa ka simana kining mawala sa ilang balay, kung mouli man, inoras lang kining magpabilin sa ilang balay.
Samtang Luyo sa kabadlungon sa iyang apo, siya nanghinaot gihapon nga mailhan ang suspek sa krimen aron sa ingon masilutan sa balaod.
