Davao City – Todo suporta ang pamilya sa usa sa mga nakasulod sa top 15 sa Mutya ng Davao.
Sa pakighinabi sa DXDC RMN Davao kang Christine Anne Megriño, ig-agaw sa top 15 finalist nga si Iris Jule Escalicas, 22 anyos ug taga Barangay Sasa ning syudad, proud siya sa iyang ig-agaw ug magpadayon ang suporta sa ilang pamilya hangtod mahuman ang maong kompetisyon.
Gani dugang ni Megriño nga mudaug man o dili, magpabilin ang ilang ka-proud ug suporta sa ilang kandidata.
“Super happy and very proud kaayo ko sakong pinsan, nakulbaan mi sa announcement kay second to the last siya gitawag then kami kay kulba na kaayo but when we heard nga gitawag na ang number 18, grabe gyud ang among kalipay ug ka-proud sa iyaha, and we know nga kaya gyud niya nga makasulod sa top 15,” sigun ni Megriño.
Kahinumduman nga gipahigayon kagahapong adlawa ang piniliay sa 28 ka mga kandidata diin kinse kanila ang misulod sa finals aron magtigi sa talent competition nga ipahigayon karong Marso 13 ug pilian gikan kanila kung kinsa ang makoronahan isip bag-ong Mutya ng Davao diin masaksihan ang coronation night karong Marso 15 sa Rizal Memorial Colleges (RMC) dinhi sa dakbayan.
Ang nasangpit nga kompetisyon subay gihapon sa selebrasyon sa ika-81st Araw ng Dabaw.
RadyoMaN Renz Barbarona
