General Santos City–Padayon karon nga nanawagan ngadto sa lokal nga panggamhanan sa Malungon Sarangani Province ang mga kabanay sa mga napatay tungod sa pag igo sa kilat kaniadtong milabayng adlaw og tabang.
Kahibaluan nga duha ang patay, tulo ang angol human maigo sa kilat sa Sitio Lambugad, Brgy Tamban, Malungon, Sarangani Province.
Kahinumduman nga Nag-asu-aso pa dihang gidala sa Malungon Municipal Hospital ang mga biktima, kung asa gilayong nakabsan sa kinabuhi silang Edgar Kong ug Ariel Diagan nga managsamang mga residente sa lugar.
Samtang luwas na ang mga nasamdan nga silang Kinte Kapitan, 21-anyos, nga naglain matud pa ang paminaw, ug Benjon Pandamon, 15-anyos nga nakasinati ug hearing loss human ang insidente, samtang ang usa ka Abnel Bansil ang gilayong na-discharge sa ospital.
Sumala sa pamilya sa mga biktimang namatay nga kinahanglan gyud nila ug tabang gikan sa gobyerno sa lungsod aron nga ilang gamiton sa pagpahiluna sa patayng lawas sa duha nga nakabsan ug kinabuhi ingon man pambayad sa hospital bill sa duha nga nahibilin pang anaa sa ospital.
