General Santos City—walay plano nga mopasang-at ug kaso ang kabanay sa namatay sa bangga nga si Grendy Joy Carumba, 28, nga taga zone 1, blk 13, Barangay Fatima, Gensan.
Mismong si Police Chief Inspector Ruelito Lumiguid, hepe sa Traffic Management Unit (TMU) ang nagbutyag sa dili pagpasang-at ug kaso sa kabanay sa biktima ngadto sa driver nga nakabangga sa nasangpit.
Plano sa mga nahisgutan nga mangayo nalang ug ayoda sa driver alang sa pagpahiluna sa patayng lawas sa biktima.
Dako ang pagtuo sa pamilyang Carumba nga dili tinuyuan ang pagbangga sanglit disgrasya lang ang tanan ug ila nalang kining gidawat bisan ug sakit alang kanila isip pamilya sa biktima.
Sa karon ginahikay nalang ang pag-areglo sa kaso ngadto sa buhatan sa TMU. (Dave Silagan)
