Pagadian City – Tulo ka tuig ang nilabay sa maduguong engkwentro sa Mamasapano, Maguindanao nga gikamatay sa 44 ka miyembro sa Philippine National Police-Special Action Force, hustisya gihapon ang panawagan sa pamilya sa mga giisip nga bayani nga mas nailhang SAF 44.
Sa eksklusibong interview sa RMN Pagadian kang Rico Erana ang amahan ni Police Senior Inspector John Garry Erana, naglaom gihapon sila nga tumanon sa gobyerno ang gisaad nga tabang alang kanila.
Dungan sa ikatulo nga anibersaryo giduaw sa pamilyang Irana ang lubong sa nakalas nilang banay dala ang pag-ampo nga ila nang nakab-ot ang hingpit nga hustisya.
Naglaom usab ang pamilyang Irana nga mudagan ang kaso nga ilang gisang-at ug paspasan ang sistema sa gobyerno arun masilutan ang mga tag-as nga opisyal nga nagpaluyo sa operasyon sa mamasapano.
