General Santos City— Dako ang pagtuo ni Ret. Police Chief Inspector Nelson Pabalinas nga mahatagan ug hustisya ang kaso sa 44 ka mga miyembro sa Special Action Force nga namatay sa operasyon sa Sitio Tukanalipao, Mamasapanop, Maguindanao tulo ka tuig na ang nakalabay.
Kini gumikan ginatutukan man matud pa sa karon nga adminsitrasyon ang kaso sa mga nahisgutan apan wala matud pa ginapaabot kanila ang resulta niini. Pag-angkon niya nga bisan ug tulo katuig na ang nakalabay, nagpabilin gihapon nga presko kaniya ang mga panghitabo human mapatay sa operasyon si Pci Ryan Pabalinas.
Dugang pamahayag ni PCI Pabalinas nga ubay-ubay ang nagpaabot kaniya ug pagdayeg gumikan usa matud pa siya sa mga naka-contribute ug bayani sa nasud. Apan alang kaniya, mas maayong makapauli sa pamilya nga dili bayani apan buhi.
Pagpaklaro niini nga ayha nahitabo ang maong operayson, una na matud pang nagpasidaan si Pci Ryan Pabalinas nga kung dili sila makagawas sa maong lugar ug kadlawon, siguradong dehado ang ilahang tropa.
Dili man usab kini kumbinsido nga adunay nahitabong miscoordination nga nahitabong operasyon gumikan usa kini sa mga gikonsiderang usa sa mga dakong operasyon sa tropa sa gobyerno kung asa target ang International Terrorist nga si Zulkifli Bin Hir Alyas Marwan..
