General Santos City–Hustisya kini karon ang gipangayo sa mga kanabay sa biktimang si Linie Ombrog, 52 anyos nga taga Isulan Sultan Kudarat kansa usa sa nakabsan ug kinabuhi atol sa pagbusikad.
Sumala ni Mary, nga taga Davao City, anak sa biktima nga wala sila magdahum nga maapil ang iyang inahan sa namatay sa pagbusikad sa bomba.
Nasayran nga ayha paman nahitabo ang pagbusikad, mitawag pa si Mary sa iyang manghod aron unta estoryahon ang iyang inahan apan sumala pa nilaag matud pa kini uban sa iyang igsuon sa kalingawan sa sentrong bahin sa lungsod.
Gikakugang nalang niini dihang nakadawat siya ug report nga apil sa mga namatay sa pagbusikad sa bomba ang iyang inahan.
Human sa nahitabo sa iyang inahan, nanawagan si Mary ngadto kang Presidenti Rodrigo Duterte nga patutukan ang imbistigasyon sa nahitabong pagpamomba aron nga mahatagan ug hustisya ang mga biktima.
Kung kaya sa Pangulo nga panalipdan ang syudad sa Davao batok sa mga terorista o mga grupong gahimo ug kasamok, unta himuon sab niya kini sa uban pang lugar sa Mindanao.
