General Santos City–Blangko pa ang pamilya sa biktimang si Rudy Pasandalan, 43 anyos, vendor ug isda ug residenti sa Purok Malipayon, Barangay Poblacion, Polomolok sa pagpamusil patay ngadto kaniya alas 8:15 ang takna sa gabie.
Sumala ni Ali Pasandalan, ig-agaw sa biktima nga wala gyudsila masayod sa motibo sa krimen tungod wala man kini kalaban sa ilang lugar. matud pa nga igo raman kining namalengya ug isda sa palengke sa Polomolok uban sa iyang pamilya.
Giangkon ni Ali Pasandalan nga tulo ka simana ang nakalabay ayha nahitabo ang krimen dunay nasulti kaniya ang iyang ig-agaw nga dunay misumbong kaniya nga matud pa dunay nangita ngadto kaniya.
Sumala pa nga ang lalaking nangita sa nasampit ang adunay dala matud pa nga pucture niini.
Wala matud pa kini panumbalinga sa biktima tungod kampante kini nga wala syay atraso ug wala usab siyay kalaban.
Nasayran nga pauli na unta sa ilang panimalay ang biktima sakay sa tricycle uban ang iyang asawa, inahan ug mga anak dihang kalit kining gitaparan sa nakamotorsiklong suspetsado ug gipusil pila ka higayon nga hinungdan sa iyang kamatayon.
