Davao City- Nidagsa ang pagmahal ug pagpaabot og pahisubo gikan sa mga higala, katrabaho ug mga nahimong parte sa kinabuhi sa pribadong haya sa 28 anyos nga si Architect Vlanche Marie Bragas.
Hustisya ang padayong singgit sa kabanay ug mga mahal sa kinabuhi ni Vee kinsa brutal nga gipatay sa wala pa mailang mga suspek kinsa ulahing nakauban niini sa iyahang gipara nga bao-bao trike atol unta sa pag-uli niini sa ilahang panimalay.
Wala na nihatag sa ilahang pamahayag ang mga nabiling minahal sa kinabuhi sa nipanaw nga architect kinsa anaa karon sa grabeng kasubo.
Gikatakdang ihatod sa ulahing kapahulayan si Vlance karong Biyernes Mayo 26, 2023.
Subay niini, gibutyag ni Special Investigation Task Group (SITG) Bragas Spokesperson Police Lieutenant Colonel ug Lawyer Eudisan Gultiano nga adunay gilusad nga case conference kagahapong adlawa alang sa mga padayong pagdagan sa maong rape with homicide case.
RadyoMaN Aimee Guinita
Facebook Comments
